Кеше Анадолы елінде жерлестеріміз Санкт-Петербургтің «Зенитіне» қарсы жолдастық кездесу өткізді. Айтулы команданың беделі өте зор екені баршаға аян. Олардың Ресейдің бес дүркін чемпионы, Ресей суперкубогының төрт дүркін иегері, УЕФА кубогы мен УЕФА суперкубогының иегері және тағы басқа толып жатқан атақтары бар.
Міне, осындай атақты командаға қарсы бәсекеде жерлестеріміз жеңіліс тапты. Алғашқы голды 25 минутта Малком соқса, 37 минутта Еркебұлан Тұңғышбаев таразы басын теңестірді. Алайда үзілістен кейін «Зениттің» ойыншылары тағы екі рет нысананы дәл көздеді. Бұл голдардың авторлары – Дуглас Сантос пен Сердар Азмун. Есеп – 1:3.
