Спорт • Кеше
Футболдан еліміздің ұлттық құрамасы Дебрецен қаласында Мажарстанмен жолдастық кездесу өткізді. Кездесудің 9-минутында бұрыштамадан Максим Самородов берген допты Сергей Малый баспен ұрып қақпаға дөп түсірді – 0:1. Бұл есеп үзіліске дейін сақталды. Екінші кезеңде алаң иелері қарқынын күрт күшейтті. Екінші тайм басталғанда Доминик Собослай таразы басын теңестірді. 63-минутта екінші сары қағаз алған Самородов алаңнан қуылды. Содан кейін мажарстандықтар тағы екі рет мергендік танытып, бәсекені өз пайдаларына шешті, есеп – 3:1.
Теннис • Кеше
«Ролан Гаррос» турнирі аяқталған бетте теннисшілердің рейтингі қайта жаңартылды. Париждегі сәтсіздігіне қарамастан Елена Рыбакина WTA тізіміндегі екінші орнын сақтап қалды.
Футбол • 10 Маусым, 2026
Ертең футболдан ХХІІІ әлем чемпионатының шымылдығы түріледі. Жер-жаһан жанкүйерлері тағатсыздана күткен дүбірлі доп додасы қарсаңында бірнеше қызықты деректер мен тартымды ақпаратты көпшілік назарына ұсынуды жөн көріп отырмыз.
Теннис • 10 Маусым, 2026
Парижде «Үлкен дулыға» санатына жататын 135 жыл тарихы бар аса мәртебелі жарыстың бірі – «Ролан Гаррос» аяқталды. Еліміздің теннисшілері арасынан жұптық сайыста сынға түскен Анна Данилина ғана өз көрермендерін қуантты.
Спорт • 10 Маусым, 2026
Үстел теннисінен Швецияның Хельсингборг қаласында өткен «WTT Youth Contender» турнирінде (U19) Алан Құрманғалиев топ жарды. Жарыс барысында Хьюго Джобс (Швеция), Обад Таббах (Швеция), Балаж Поор (Мажарстан), Абхинандх Прадхивадхи (Үндістан), Ян Мругал (Польша), Йохан Хавстинді (Дания) жолынан ығыстырған жерлесіміз финалда Самуэль Михнудан (Польша) 3:1 есебімен басым түсті.
Спорт • 09 Маусым, 2026
Шахматшы Бибісара Асаубаева Ослодағы «Norway Chess Women 2026» турниріндегі жарқын жеңісінен кейін ФИДЕ рейтингінде тағы екі сатыға жоғарылады. Барлығы 2537,6 ұпай еншілеген ол бұл күндері бесінші орынға көтерілді. Әзірге Асаубаеваның алдында Қытайдың төрт мықты ойыншысы – Хоу Ифань (2596,0), Лэй Тинцзе (2566,0), Цзюй Вэньцзюнь (2559,6), Чжу Цзиньэр (2549,6).
Спорт • 05 Маусым, 2026
26-28 маусымда Қытайдың Циндао қаласында жалауы желбірейтін Гранд Слэм турнирін қазақ жанкүйерлері тағатсыздана күтіп отыр. Өйткені осы жарыста Париж Олимпиадасының тарланы Елдос Сметов ұзаққа созылған үзілістен соң, алғаш рет татамиге шығады.
Спорт • 05 Маусым, 2026
«Найман» деген жанама есіммен танылған Қуат Хамитов 11 шілдеде Грузияның Батуми қаласында өтетін RAF (Real American Freestyle) турнирінде Арменияның атақты спортшысы Арман Царукямен күш сынасады. 29 жастағы Арман қазір UFC-дегі ең белді шеберлердің бірі. Орта салмақтылардың рейтингінде ол екінші орында нық тұр. Царукянның алдында тек америкалық Джастин Гэтжи. Бұл салмақтың чемпионы – грузиялық Илья Топурия. Қап тауының тумасы 26 рет октагонға шығып, 23 бәсекеде басымдық танытты. 15 айқасты мерзімінен бұрын аяқтады. Ал 38 жастағы Қуат 27 рет жеңіске жетіп, 8 кездесуде жеңіліс тапты.
Спорт • 05 Маусым, 2026
Дүние дидарында – дүбірлі доп додасы
Футболдан АҚШ, Мексика, Канада елдерінде өтетін ХХІІІ әлем чемпионатының басталуына санаулы күндер қалды. 11 маусымда шымылдығы түрілетін жарыс 19 шілдеде мәресіне жетеді. Іріктеу турнирінен іркілмей өткен 48 команда 38 күн бойы бәсекеге түсіп, үздіктерді анықтайды. Міне, осы дүбірлі доп додасы қарсаңында бір айдан астам уақыт бойы бүкіл әлемнің назарын өзіне аударатын бірегей біріншіліктің тарихындағы қызықты деректерді оқырман назарларына ұсынамыз.
Спорт • 04 Маусым, 2026
Түркістанда ескек есуден жастар арасындағы Азия чемпионаты басталды. 7 маусымға дейін созылатын жарыста Дінмұхамед Шынқожаев, Дмитрий Холмогоров, Егор Краснонос, Денис Кленин, Михаил Затолокка, Дмитрий Ладюков, Эдуард Ярлыков, Глеб Ударцев, Анатолий Русаков, Евгений Русаков, Стелла Суханова (байдарка), Сұлтан Шарапиев, Полат Төребеков, Владислав Руденко, Юрий Горобов, Татьяна Гладкова, Валентина Трапезникова, Елизавета Масякина, Мария Бровкова, Мария Карманова, Ульяна Киселёва, Руфина Ысқақова (каноэ) сынды спортшылар ел намысын қорғайды.
