Маңғыстау облысы көлемінде шет мемлекеттерден келетін азаматтарды Қазақстан Республикасының шекарасынан өткізу барысында арнайы санитарлық карантиндік пункттердің бөлімшелерінде мамандармен қызмет көрсетіледі, деді Маңғыстау облысы денсаулық сақтау басқармасының басшысы Әнуар Сағымбаев.
Халықаралық әуежайдағы санитарлық карантиндік пункттеріне көмекке Ақтөбе қаласынан 4 маман, Обаға қарсы күрес станциясынан және Маңғыстау облысының тауарлармен көрсетілетін қызметтердің сапасымен қауіпсіздігін бақылау Департаменті мамандары жұмылдырылды.
