Карантинде жатқан аз қамтылған көпбалалы отбасылар үшін арнайы дайындалған себетте ең қажетті азық-түлік тауарларымен қоса антисептиктер бар. Жақсылық жәшігіне балдырғандарға арналған тәттілер де салынған.
«Қазір төтенше жағдай кезінде ешкімде жұмыс жоқ. Барлық жер жабық. Жағдайды ескере келе біздің қызметкерлер өзара ақылдасып, жағдайы төмен және көпбалалы отбасыларға көмек көрсету туралы шешімге келдік», – дейді қалалық Сыбайлас жемқорлыққа қарсы іс-қимыл департаментінің басқарма басшысы Елнар Игіліков.
Жалпы төтенше жағдай жарияланған уақыттан бері Алматыда мұқтаж отбасыларға қол ұшын созуға талпынған ақ жүрек жандардың көптеп шығып жатқаны көңіл қуантады.
