Nur Otan партиясының қалалық филиал ғимаратында өткен қабылдауда тұрғындар негізінен коммуналдық, әлеуметтік мәселелер жайлы айтты.
Тұрғындардың өтініш-тілегін шаһар басшысы мұқият тыңдап, әр азаматқа жеке уақыт бөлді. Сондай-ақ, қабылдауда көтерілген түйткілді мәселелердің түйінін тарқатуға ерекше назар аударып, кез келген сауалдың заң аясында жедел шешілуіне басымдық берді. Тиісінше жауапты сала басшыларына бірқатар тапсырмалар беріп, мәселенің шешілуі мен тапсырманың орындалу барысы өз бақылауында болатындығын жеткізді.
Кездесудегі көп сұрауының бірі баспана жайы. Бұл мәселеде қала әкімі тұрғын үй беру тек қолданыстағы заң аясында реттеліп, кезек ретімен табысталатындығын түсіндіріп, күз айларында сол жағалаудан 680 пәтер мұқтаж азаматтарға кезек ретімен берілетіндігін атап өтті.
