Өткен жылы Тәуелсіздіктің 30 жылдығына байланысты Қазақстан Республикасының заңнамалық актілеріне өзгерістер енгізілді, соның бірі – рақымшылық.
Polisia.kz сайты таратқан мәліметке сүйенсек, Атырау қалалық пробация қызметіндегі 740-қа жуық есепте тұрған қоғамнан оқшауланбай сотталғандардың 160-қа жуығына рақымшылық заңы қолданылған.
Қазіргі таңда оларға қатысты жадығаттар Атырау қалалық №2 сотына жолданып, онлайн режимінде оның 93-і қаралған. 33-і қылмыстық жазадан босатылып, 60-қа жуығының жазаны өтеу мерзімдері қысқартылды.
