Жедел штабтың талқылау қорытындысы бойынша 15 шілдеден бастап Ресейдің мемлекеттік шекарасын кесіп өтуге салынған уақытша тыйымды алып тастау жөнінде шешім қабылданды.
Бұған дейін 14 маусымнан бастап эпидемиялық жағдайдың жақсаруына байланысты шетел азаматтарының Ресейге теңіз және әуе бекеттері арқылы кіруіне рұқсат берілген еді. Бірақ көліктердің кіруіне шектеу алынбаған болатын.
Еске салайық, Ресей коронавирустың таралу қаупіне байланысты 2020 жылдың наурыз айында шекарадан өтуге шектеу қойған еді.
