Шетелдік инвесторлар кеңесінің келесі отырысы Шымкентте өтеді

АСТАНА. 13 маусым. Шетел инвесторлары кеңесінің келесі жиыны Шымкентте өтетін болды. Онда еліміздің агробизнес саласын дамыту мәселелері талқыланады. Бұл туралы egemen.kz тілшісі хабарлады. Мемлекет басшысы: «Шетел инвесторлары кеңесінің 28-ші отырысында Қазақстандағы агробизнесті дамыту мәселесі қаралады. Арнайы зерттеулер көрсетіп бергендей, азық-түлікке сұраныс арта түспек. 2050 жылға қарай адамзат саны 9 млрд.-ты құрайды және азық-түлік қажеттілігі 2 есеге көбейеді», – деді. Осы орайда Президент елімізде ауыл шаруашылығына жарамды жерлер көп екеніне тоқтала келе: «Қазақстанда ауыл шаруашылығына пайдалануға жарайтын жер мол, абсолюттік жайылымдардың өзі 200 млн. гектар, егістік жерлер 45 млн. гектар, ал олардың өнімділігін тек 30%-ға арттырсақ, біз өндірістің мол көзіне ие боламыз. Сондай-ақ, 10 млн. тонна астық экспорттаймыз», – деді. Жолдыбай Базар. Дереккөз: egemen.kz. Фото: Tntexpo.kz.