Күні кеше ғана Халықаралық бокс қауымдастығы (IBA) аталған жарыстың жүлде қорын жария етті. Ол 2,4 миллион АҚШ долларын құрады. Тарқатып айтсақ, Нью-Делиде 12 салмақ дәрежесі бойынша өткен жекпе-жектерде қарсылас шыдатпай, бас жүлдені олжалаған былғары қолғап шеберлерінің әрқайсысы 100 мың доллардан олжалайды. Күміспен күптелгендер сол соманың тең жартысын алады. Ал қола медальды иеленгендерге 25 мың доллар тиесілі. Әлем чемпионы атанып қана қоймай, қомақты қаржыны да қалтаға басуды көздеп отырғандардың арасында Олимпия ойындары мен әлем чемпионатында атой салған арулар да бар.
