Qazaqstan ұлттық арнасы хабарлағандай, зардап шеккен адам ауруын әбден асқындырып барып ауруханаға жеткізілген. Қалалық Санитариялық-эпидемиологиялық бақылау департаментінің мәліметінше, науқаспен қарым-қатынаста болған 21 адам оқшауланған.
Қазір дәрігерлердің бақылауында. Жағдайлары қалыпты дейді мамандар. Айта кетейік, жыл басынан бері шаһарда 600-ден астам тұрғынды кене шаққан.
«Қалалық жұқпалы аурулар ауруханасының дәрігер - инфекционист мамандарымен конго қырым қанды геморрагиялық қызбасы расталған жағдай ауыр дәрежелі диагнозы қойылған. Қарым-қатынаста болған барлық отбасы мүшелері, қаралған медициналық мекемедегі қызметкерлер барлығы 14 күндік медициналық бақылауға алынды», деді қалалық санитариялық-эпидемиологиялық бақылау департаментінің бас маманы Азамат Тасболтаев.
