Облыстық балық инспекциясы басқармасы уылдырық шашатын аймақта, заңсыз иемденген құралдарды пайдаланып балық аулаушыларды анықтау ісінде жергілікті тұрғындар белсенді болғанын айтты. Мәселен, рудныйлық тұрғындардың хабарлауымен 4 рет заңсыз балық ауламақшы болғандардың жолы кесілген.
Сонымен бірге осы бағыттағы заңсыздықтарды анықтауда әлеуметтік желіге жүргізілген мониторингтер де өз жемісін беріп жатыр.
«Мәселен, биыл облыстың екі тұрғыны TikTok-қа жүктеген видеосы үшін жазаланды. Видеода заңсыз балық аулау белгілері болған. Айыппұл көлемі 34 500 теңгені құрады», деді Қостанай облысы балық инспекциясы басқармасының басшысы Дәуіт Тәжібаев.
