Оқиға • 06 Маусым, 2024

«Қаза тапқандар бар»: Ақтөбе облысында ірі жол апаты болды

64 рет
көрсетілді
1 мин
оқу үшін

Полицейлердің ескертуіне құлақ аспаған жүргізуші Ақтөбе облысында жол апатына ұшыраған, деп хабарлайды Egemen.kz tengrinews.kz-ке сілтеме жасап.

«Қаза тапқандар бар»: Ақтөбе облысында ірі жол апаты болды

Фото: Ақтөбе облысы ПД

Жол-көлік оқиғасы Ақтөбе-Орск тасжолында Қарғалы ауданы, Ащылысай ауылы маңында 5 маусымда болған. Toyota Alphard көлігі аударылып қалған. Жол апатынан 4 адам қаза тауып, 1-і ауруханаға жеткізілген.

«Көлік жүргізушісі Ақтөбеден Орск қаласына (Ресей) ресми түрде жолаушылар тасымалдаумен айналысқан. Жол-көлік оқиғасынан бірнеше сағат бұрын полицейлер жүргізушімен жол-көлік оқиғасының алдын алу жөнінде сөйлескен, бірақ соған қарамастан жүргізуші полицейлердің кеңесін елемей, адам өліміне әкелетін жол апатына ұшыраған», деп хабарлады облыстың Полиция департаментінің баспасөз қызметі.

Аталған оқиға бойынша соталды тергеу амалдары жүргізіліп жатыр.