Қоғам • 19 Маусым, 2024

Табиғат аясында кітап оқыды

64 рет
көрсетілді
1 мин
оқу үшін

«Кітапты өртегеннен де ауыр қылмыс бар. Ол – кітап оқымау», дейді ағылшын жазушысы Рэй Брэдбери. Расымен бұрын да, қазір де, интел­лектуалдық өрені көтеретін, мінезді берік қылатын – кітап қана, классикалық еңбектер ғана. Көзіқарақты адам бұл ақиқатты жоққа шығара алмайды. Осы мақсатта Павлодар облысының Баянауыл ауданында «Табиғат аясында кітап оқу» республикалық семинары өтті.

Табиғат аясында кітап оқыды

Семинарға 200-ден аса әдіскер, мектеп кітапханашылары, ғылыми-педагогикалық кітапхананың қызмет­керлері, сондай-ақ ақын-жазушылар мен облыстық білім басқармасының өкіл­дері қатысты. Астана, Алматы, Шым­­кент қалаларынан және Қара­ған­ды облы­сынан келген әдіскерлер мен мек­теп кітапханашылары өздерінің жұ­мыс тәсілдерін көрсетіп, қы­зықты квест-ойын­дар өткізді. Сондай-ақ Абай өлең­дерін жатқа оқып, белгілі шығармалар желісі бойынша тапсырмалар орындады.

«Бүгінде әрбір адамның басты мін­деті – сауатты ұрпақ тәрбиелеу. Біз кітап оқу дағдысын балаларымызға сіңіруіміз керек. Мұны балабақшадан бастау керек»,  дейді Республикалық ғылыми-әдістемелік кітапхананың бас әдіскері Амангүл Ешімова.

Ал Абай, Алматы, Атырау, Жамбыл, Түркістан облыстарының әдіскерлері «Аты аңызға айналған Жасыбай көлі­нің жағасында кітап оқу» секциясында өз жұмыс тәсілдерін ортаға салды.  «Ақ­бет тауының бөктеріндегі Торайғыр кө­лінің жағасында кітап оқу» секция­сында Батыс Қазақстан облысы, Шығыс Қазақстан облысы, Жетісу, Ұлытау, Қызылорда, Павлодар облыстарынан келген әдіскерлер мен кітапханашылар кітапхана жұмысында жаңа технология­ларды қолдану әдістерін көрсетті.

Семинарды қорытындылау кезінде әр өңірден келген үздік кітапханашылар тобы көрсеткен жұмысының бағасы беріліп, дипломдармен марапатталды, ал қатысушыларға сертификаттар табысталды.