Фото:orda.kz
Әлеуметтік желілерде түнде қалада атыс болып, салдарынан 21-24 жастағы жігіттер жарақат алғаны туралы ақпарат тарап жүр. Оқиға орнында бір адам қайтыс болғаны анықталды.
Қожаевтың айтуынша, бүгін таңертең екі азамат оқ жарақаты белгілерімен қалалық ауруханаға жеткізілген.
«Өкінішке қарай, бір адам көз жұмды, атысқа қатысқан барлық азамат анықталды, қазір оларды ұстау шаралары жүргізіліп жатыр», деді министрдің орынбасары.
Алматы облысының полиция департаменті бұл фактіге қатысты қылмыстық іс қозғалғанын хабарлады.
«Күдікке ілінген тұлғаларды ұстауға бағытталған кешенді шаралар жүргізіліп жатыр. Тергеу амалдары облыстық департамент басшылығының ерекше бақылауына алынды», деп түсіндірді ПД баспасөз қызметі.
Желідегі ақпараттарға сүйенсек, 27 маусымға қараған түні Қонаев қалалық көпсалалы ауруханасына 2000 жылы туған ер адам жеткізілген. Оқ жарақатын алған жәбірленушіге шұғыл ота жасалған.
«Науқас жансақтау бөлімінде жатыр, жағдайы өте ауыр», делінген облыстық денсаулық сақтау басқармасы таратқан хабарламада.
