фото: dzen.ru
Спикер Астана қаласының қылмыстық істер жөніндегі ауданаралық сотында «Жекпе-жек» ҮЕҰ федерациясының президенті Е.Әлімбетовке қатысты үкім жарияланғанын айтты.
«Ол 2021 жылы Алматы қаласында өткен «Жекпе-жек» спорт түрінен әлем чемпионатының хаттамаларын қолдан жасағаны үшін кінәлі деп танылды. Оған 3 692 000 теңге айыппұл түрінде жаза тағайындалды. Жалған құжаттарды пайдалана отырып, Әлімбетов спортқа қатысы жоқ адамдарға «халықаралық дәрежедегі спорт шебері» және «Қазақстан Республикасының еңбек сіңірген жаттықтырушысы» спорттық атақтарын беруге өтінім берді», деді спикер.
Оның айтуынша, сот үкімі заңды күшіне енді.
