Фото:Polisia.kz
Жақында Алматыда киберполиция арнайы операция жүргізіп, оның барысында жалдамалы пәтерде шағын автоматты телефон станциясын ұйымдастырған 26 жастағы жігіт ұсталған.
Тінту кезінде SIM-карталарға арналған 32 слоттары бар SIM-қорап, сондай-ақ ұялы байланыс компанияларының біріне тиесілі 285 SIM картасы табылған.
«Үйді тінту кезінде 32 SIM-карта слоты бар SIM-қорап жабдығы, сондай-ақ ұялы байланыс компанияларының біріне тиесілі 285 SIM картасы табылды. Бұл жабдықты интернет-алаяқтар анонимді болып қала отырып, әртүрлі интернет-қызметтерді және мессенджерлерді белсендіру, аккаунттарды тіркеу үшін пайдаланады, олардың көмегімен алаяқтар басқа елде бола тұра қазақстандықтарға телефон соғады. Күдікті осы жабдықты орнату, қосу және слоттардағы SIM-карталарды ауыстырудан тұратын «жұмысты» интернеттен тапқанын айтты. Қазіргі уақытта қылмыстық іс аясында жедел шаралар жүргізіліп жатыр. Ұсталған азамат қамауға алынды», деді Алматы қалалық полиция департаменті бастығының бірінші орынбасары Қуатбек Науатов.
