Фото: talismans.kz
Болат Бопайұлының «Қазақ қамшысы» туындысы оқырманға Ұлттық музейде таныстырылды. Тұсаукесер жиынға тарихшылар мен қаламгерлер қатысты.
24.kz-тің хабарлауынша, жазушы-этнограф ұлттық бұйымның киесі мен қасиетін, тарихтағы орнын, қамшының түрлерін кітапқа сыйдырған.
«Бірінші мыңжылдықтардан қазірге дейін жоғалмай, қолдан түспей келген қамшының сый құрал ретінде қолданылатын, ұлттың рухын сақтайтын жәдігер екендігін осы кітапта таныттық. Кітап ұлттық жәдігерімізді насихаттау мақсатында жазылды», деді Болат Бопайұлы.
