Фото: Ашық дереккөз
Денсаулық сақтау министрлігінің Санитариялық-эпидемиологиялық бақылау комитеті зертханалық тексерулерден кейін бұл өнімдерді саудадан алып тастау туралы шешім қабылдаған.
Естеріңізге сала кетейік, Ақтөбе облысындағы мектептердің бірінде оқушылар снек өнімдерін жеп уланып қалған еді. Осы жағдайдан кейін санитария мамандары дүкендерде сатылатын өнімдерге мониторинг жүргізіп, 14 түрлі снекті зерттеген.
Тексеру нәтижесінде олардың құрамында натрий глутаматы (Е621), натрий гуанилаты (Е627) және натрий инозинаты (Е631) сияқты дәм күшейткіштер бар екені анықталған. Айта кетейік, аталған қоспаларды қолдану Кеден одағының техникалық талаптарында қарастырылмаған.
