Фото: Су ресурстары және ирригация министрлігінің баспасөз қызметі
Бұдан бөлек, 3 су қоймасын (Жаңа өмір, Ұзынкөл, Кемер) және 2 бөгетті (Успен, Бесағаш) жөндеу жұмыстарын мәресіне жеткізу жоспарланып отыр.
Сала министрлігінің мәліметінше, сонымен қатар, 58 жылда алғаш рет Киров су қоймасына кешенді реконструкция жасалды. Бүгінде Үлкен Өзен және Кіші Өзен өзендерінде су қоймаларын салуға, сондай-ақ Бітік, Дөңгелек, Пятимар су қоймаларын реконструкциялауға дайындық жүріп жатыр. Құрылыс-монтаждау жұмыстарынан бөлек, биыл облыста 9 су қоймасына көп факторлы зерттеу жүргізу жоспарланып отыр.
«Облыстық «Қазсушар» филиалы өңірдегі су қоймаларында бос сыйымдылықтарды қамтамасыз ету бойынша жұмыс жүргізді. Су деңгейіне тұрақты мониторинг және тәулік бойы кезекшілік жүргізіледі. Сондай-ақ ресейлік әріптестерімізбен тұрақты ақпарат алмасудамыз», деді БҚО бойынша «Қазсушар» филиалының директоры Рауан Хусаинов.
