Мемлекеттік еңбек инспекциясы жөніндегі комитеттің мәліметінше, 2025 жылдың басынан бері өндірістегі жазатайым оқиғалардан 293 жұмысшы зардап шекті, оның 40-ы қайтыс болды.
Сонымен қатар, биылғы жылдың қаңтар-наурыз айларында өндірістік жарақаттану 2024 жылдың сәйкес кезеңімен салыстырғанда 16,8%-ға төмендеді.Бірінші тоқсанның қорытындысы бойынша өндірістік жарақаттану деңгейі (1000 жұмысшыға шаққандағы жазатайым оқиғалар жиілігі коэффициенті) 0,04 құрады.
Сонымен қатар, елдің өндірістік аймақтарында жарақат алудың жоғары деңгейі сақталып тұр:
- Қарағанды облысында 31 адам зардап шекті,
- Қостанай облысында – 27,
- Шығыс Қазақстан облысында – 24,
- Ақтөбе облысында – 22,
- Атырау облысында – 22,
- Алматыда – 19.
Экономикалық салалар бойынша ең көп зардап шеккендер тау-кен металлургия кешенінде (жалпы зардап шеккендердің 15,3%) және құрылыс саласында (12%) болды.
Жазатайым оқиғаларға әкелетін негізгі себептер:
- жұмыс өндірісінің қанағаттанарлықсыз ұйымдастырылуы (барлық жағдайдың 34,4%);
- жәбірленушінің өзінің өрескел абайсыздығы (32%);
- жол қозғалысы ережелерін бұзу (8,4%);
- қауіпсіздік және еңбекті қорғау ережелерін бұзу (7,6%).
