Фото: Орман шаруашылығы және жануарлар дүниесі комитеті
Үстірт қорығының ғылым, ақпарат және мониторинг бөлімінің аға ғылыми қызметкері А.Пулатов ғылыми-зерттеу жұмыстары барысында осы айдың 18-21 күндері «Майда қатыран» өсімдігіне ұшырасқан.
Ол сәуір-мамырда гүлдеп, мамыр-маусым айларында жеміс береді екен.
Қорық мамандары тарапынан табылған өсімдіктің таралу аумағын зерттеу жалғасады.
Орман шаруашылығы және жануарлар дүниесі комитетінің мәліметінше, «Майда қатыран» – сирек кездесетін, таралуы шектеулі түр. Оның тіркелуі – ботаника ғылымы үшін маңызды жаңалық саналады және Үстірт өңірінің қайталанбас экожүйесін сақтау қажеттілігін көрсетеді.
