Фото: polisia.kz
Өлшемі 8-де 2 метр болатын табло жүргізушілерді жедел ақпараттандыру үшін орнатылған. Мәселен, жол қауіпсіздігіне қатысты белдіктерді тағу туралы ескертпе, жылдамдық режимін сақтау, тайғақ жол туралы ескертулер, қолайсыз ауа райы жағдайлары, жол жұмыстары және ықтимал қозғалыс шектеулері хабарланады.
ІІМ электрондық табло көлік жиі қатынайтын жолдарда жағдайды лезде баяндаудың тиімді тәсілі екенін жеткізді.
«Жоба жол-көлік оқиғаларының санын азайтуға және жалпы жүргізу мәдениетін арттыруға бағытталған. Болашақта мұндай жүйелерді еліміздің басқа автожолдарында да енгізу жоспарланып отыр», делінген министрлік хабарламасында.
