Түнде «Арбат» аллеясында жүрген әскери жасақ топталып тұрғандарға назар аударды. Сол жерде құрбысының талмасы ұстап жатқанын айтқан бойжеткен жасақ әскерилерден көмек сұрапты.
Ұландықтар бірден кезекші бөлімге хабар беріп, «Жедел жәрдем» шақырады. Алайда патрульдік топтың бастығы, лейтенант Ернұр Әбілхан уақыт жоғалтпау үшін зардап шеккен қызды патрульдік көлікпен жеткізу туралы бұйрық беріп, бұл міндетті автопатруль қызметшісі ефрейтор Таңатар Сұлтанайға жүктепті. Олардың жедел әрі үйлесімді әрекетінің арқасында қыз облыстық ауруханаға дер кезінде жеткізіліп, қажетті медициналық көмек көрсетілді.
Қазір науқастың жағдайы қанағаттанарлық деп бағаланып отыр. Бұл оқиға төтенше жағдайларда сабыр сақтап, шұғыл әрекет етудің қаншалықты маңызды екенін тағы бір мәрте дәлелдеді.
