«Туристік Қамқор» қорының мәліметінше, бұл деректер тек ұйымдастырылған туристерге, яғни туроператорлар арқылы шетелге шыққан азаматтарға ғана қатысты. Бұл жүйе Қазақстан азаматтарының шетелге шығуын бақылап, кепілдендіреді.
«Бүгінгі күнге дейін 3 213 Қазақстан азаматы шетелге демалысқа жолдама сатып алды. Алайда бұл нақты көрсеткіш емес, себебі турлар әлі де сатылып жатыр, деректер жаңартылып отырады», деп хабарлады ҚР Мәдениет және ақпарат министрлігінің Туризм комитеті.
Ең танымал шетелдік бағыттар (жолдама саны бойынша):
-
Вьетнам – 92 632
-
БАӘ (Дубай және басқа қалалар) – 81 349
-
Мысыр (Египет) – 78 302
Министрлік мәліметінше, 134 мыңнан астам жолдама 2024 жылдың маусым айында сатылған, бұл көрсеткіш өткен жылдың осы кезеңімен шамалас. Елеулі өзгеріс байқалмайды. Алайда қазіргі уақытта бұл мәліметтер «Туристік Қамқор» жүйесінде толық тіркелмеген. Барлық ұйымдастырылған шетелдік турлар тек лицензияланған туроператорлар арқылы жүзеге асырылады. Сонымен қатар, заңнама бойынша турпакет құнының орташа есебі жүргізілмейді.
2024 жылы шетелге шыққан 1 096 246 адамның 98%-ы жағажай туризмін таңдаған. Ал экскурсиялық турларды таңдаған туристердің үлесі небәрі 0,5%-ды құрады.
