«Бүгінгі таңда бизнесті мемлекеттік қолдаудың талап етілетін шараларының бірі - Кәсіпкерлікті қолдаудың кешенді бағдарламасы. Жоба аясында іске асырылатын «Бизнестің жол картасы» және «Қарапайым заттар экономикасы» бағдарламаларының құралдары болып қала береді. «Даму» қоры – бағдарламаның операторы. Былтырғы жылдың қорытындысы бойынша, кредиттерді субсидиялау арқылы жеңілдетілген қаржыландыру шарасы негізінде шамамен 1 трлн теңге кредит сомасына 17 мыңнан астам бизнес жобасы қамтылды. 310 млрд теңге сомасына 8 мың жоба бойынша кепілдік берілді. Биыл осы мақсатты жүзеге асыруға 275,2 млрд теңге бағыттау жоспарланған», деді Дарын Әбдуәлі.
Бағытталған қаржы Алматы, Астана, Шымкент қалаларына, сондай-ақ Алматы, Түркістан мен Ақтөбе облыстарында өңдеу өнеркәсібі, көлік және қоймалау, білім беру салалары бойынша іске асырылмақ.
