Аудан басшысының айтуынша, жергілікті халықты баспанамен қамтамасыз ету жұмысы жоспарға сәйкес алдағы уақытта да жалғасады. Бірінші кезекте халықтың әлеуметтік тұрғыдан осал топтарына қолдау көрсету назардан тыс қалмақ емес.
«Халықтың әлеуметтік осал топтарына қолдау көрсету, оларды қолжетімді баспанамен қамтамасыз ету – мемлекеттік саясаттың басты міндеттерінің бірі. Бүгін пайдалануға беріліп отырған тұрғын үйлер – Мемлекет басшысының әлеуметтік бағыттағы саясатының ауданымызда нақты жүзеге асып жатқанының айқын дәлелі. Бұл – елдің қамын ойлаған бірліктің, тұрақтылықтың жемісі деп білемін», дейді Б. Болатбеков.
Жаңа тұрғын үйлер Қордай ауылының «Шығыс» шағынауданында орналасқан. Барлық баспана екі бөлмелі, оның ішінде жатын және қонақ бөлмелері, сондай-ақ асхана мен әжетхана қарастырылған.
Жамбыл облысы
