Фото: МЖӘ баспасөз қызметі
Форумға Әзербайжан, Грузия, Қазақстан, Қырғыз Республикасы, ҚХР, Моңғолия, Пәкістан, Тәжікстан, Түрікменстан, Өзбекстан елдерінің өкілдері қатысып, мемлекеттік-жеке меншік әріптестік саласындағы құқықтық базаны жетілдіру, МЖӘ бойынша оқыту, халықаралық келісімдерді дамыту мен трансшекаралық жобаларды іске асыру мәселелерін талқылады.
МЖӘ бойынша трансшекаралық жобаларға арналған сессияда «Қазақстандық мемлекеттік-жеке меншік әріптестік орталығы» АҚ басқарма төрағасының орынбасары Айдос Көбетов баяндама жасап, Қазақстанның негізгі жетістіктерін, соның ішінде сәтті іске асырылған жобаларды, МЖӘ саласындағы жүргізілген заңнамалық реформаларды, сондай-ақ халықаралық қаржы институттарымен бірлесіп іске асырылатын ерекше маңызы бар жоспарланған жобаларды таныстырды.
Форумда талқыланған негізгі бастамалардың бірі – Алматы мен Ыстықкөл арасын жалғайтын жаңа автожол жобасы болды. Жобаның алдын ала құны шамамен 150 млн АҚШ долларын құрайды. Бұл көлік дәлізі Қазақстан мен Қырғызстан арасындағы трансшекаралық ынтымақтастықты нығайтуға, көлік қолжетімділігін арттыруға әрі жеке инвестиция тартудың жаңа мүмкіндіктерін ашуға бағытталған. Жаңа жол құрылысы өңірлік деңгейде мемлекеттік-жекеменшік әріптестік тетіктерін қолданудың айқын мысалы ретінде қарастырылып отыр. Жобаның сәтті іске асырылуы Орталық Азияда осыған ұқсас трансшекаралық инфрақұрылымдық бастамаларды іске қосуға серпін береді деп күтіліп отыр.
Осылайша, Чолпон-Атада өткен форум Орталық Азия елдерінің өңірлік ынтымақтастықты тереңдетуге деген ұмтылысын растап, қатысушылар МЖӘ тетіктерін одан әрі дамытуға және нақты бірлескен бастамаларды іске асыруға дайын екендіктерін білдірді.
