Спорт • Бүгін, 16:00

Қазақстандық екі төреші үстел теннисінен халықаралық іріктеуге қатысады

30 рет

көрсетілді

1 мин

оқу үшін

Халықаралық үстел теннисі федерациясының (ITTF) төрешілер комитетінің хабарлауынша жас төрешілерге арналған жаңа жоба басталды. Үміткерлер – Сенегалдың Дакар қаласында жасөспірімдер арасында 2026 жылы өтетін Олимпиада ойындарына төреші ретінде қатысуға іріктеледі, деп жазады Egemen.kz.

Шыңғыс МҰҚАЕВ

Қазақстандық екі төреші үстел теннисінен халықаралық іріктеуге қатысады

Фото: ҰОК

Ұлттық олимпиада комитетінің мәліметінше іріктеу екі кезеңнен тұрады:

I кезең (2025 жылғы тамыз-желтоқсан): ITTF сарапшыларының жетекшілігімен онлайн тәлімгерлік, қажетті білім-дағдыларды меңгеру.

II кезең (2026 жылғы қаңтар-тамыз): онлайн семинарлар, жобаларды бағалау және нақты жағдайдағы тәжірибелер.

2026 жылғы қазан айында Дакар қаласында қорытынды оқыту өткізілмек.

Қазақстан үстел теннисі федерациясы ITTF талаптарына сәйкесетін екі үміткерді ұсынған, олар – халықаралық санаттағы төреші Дильназ Жалалдин (Алматы) және арбитр Артём Орел (Қарағанды).