Былтыр медицина мамандарының құқығын қорғайтын заң қабылданса, биылдан бастап стационарларда полиция бекеттері орнатылып жатыр. Бүгінде қауіпсіздікті қамтамасыз ету үшін стационарларда 152 полиция бекеті ашылып қойған. Медициналық ұйымдарда тәулік бойы жұмыс істейтін полиция бекеттерінің жұмысын Денсаулық сақтау министрлігі аумақтық полиция департаменттерімен бірлесіп қамтамасыз етіп отыр.
Қазір қалалық стационарларда – 30, облыстық стационарларда – 10, балалар стационарларында –12, перинаталдық орталықтарда – 5, аудандық орталық ауруханаларда – 48, аудандық ауруханаларда – 23 пост бар. Осылайша, полиция қызметкерлері стационардағы кез келген оқыс оқиғада жедел әрекет етеді. Шиеленістердің алдын алып, медицина қызметкерлерімен қоса пациенттердің де қауіпсіздігін қамтамасыз етуге мүмкіндік береді.
