«Модель нақты деректер негізінде оқытылды. Биылдың өзінде FSM Social қосымшасы арқылы 100 мың отбасының тұрмыс жағдайы тексерілді. Өтініш берушілердің көпшілігі өз үйлерінің суреттерін тіркеген, ал жүйе дәл осы суреттер арқылы отбасының көмекке қаншалықты мұқтаж екенін анықтауды үйренді. Қазірдің өзінде дәлдік деңгейі 90%-дан асты», деді ол.
Дегенмен алгоритм түпкілікті шешім қабылдамайды. Жасанды интеллект тек сараптама жасайды да, нәтижесін жергілікті комиссияға жолдайды. Соңғы шешім – комиссияның құзырында.
Вице-министрдің айтуынша, бұл тәжірибе тек әлеуметтік көмекпен шектелмейді:
«Болашақта жасанды интеллектті медицина саласына да қолдану жоспарда бар. Мүгедектік деңгейі, ауру тарихы, дәрігерлердің қорытындысы және анкеталар негізінде анықтай алатын болады. Мұндай тәсіл бюрократияны азайтып, тексеру процесін жеделдетеді», деп түсіндірді Анафин.
