Бүгінде еліміз бойынша 19 мың камераға жасанды зият орнатылды, деп мәлімдеді Ішкі істер министрі Ержан Сәденов.
«Аталмыш камералар жолда жүру тәртібін бақылап, көлік тізгінінде отырған адамды танып, күдікті заттарды анықтауға арналған. Бұл жүйел Жедел басқару орталығымен біріккен жоба, осы арқылы полиция оқиға орнына дер кезінде жетіп, шара қолдануға көмектеседі», деді министр.
Құқық қорғау органдарының қызметкерлері заманауи планшеттер мен смарт-жетондармен қамтамасыз етіліп жатыр, бұл олардың жедел әрі тиімді жұмыс көлемін арттырады. Азаматтар үшін «102» мобильді қосымшасы және eGovMobile мен екінші деңгейлі банктердің қосымшалары арқылы қолжетімді «Заң және тәртіп» сервисі іске қосылды. Енді құқықбұзушылық туралы хабарлау үшін бір ғана батырманы басу жеткілікті, осылайша полициямен тікелей байланысып, проблеманы шешуге болады.
«Айта кетелік, цифрландырудың арқасында алаяқтардың 2,2 млрд теңгені заңсыз жымқырғаны белгілі болды. Сондай-ақ елде халықтың құқықтық және қаржылық сауаты артып келеді», деді министр.
