Полиция қызметкерлері алдында Батыс Қазақстан облысының әкімі Нариман Төреғалиев сөз сөйлеп, мемлекеттік мерекемен құттықтады. Еңбегімен ерекшеленген қызметкерлерге алғыс хаттар мен грамоталар табысталды.
БҚО Полиция департаментінің бастығы, полиция полковнигі Арман Оразалиев Қазақстан Республикасы Ішкі істер министрінің атынан төсбелгілер, алғыс хаттар мен грамоталар табыс етті. Сондай-ақ, бірқатар қызметкер департамент бастығының бұйрығымен марапатталды.
Осы күні аудандық полиция бөлімдері су жаңа 30 қызметтік автокөлікке ие болды.
Ал ішкі істер қатарына жаңадан кірген жас полиция қызметкерлері әріптестерінің алдында Отанға және халыққа адал қызмет етуге ант берді.
Іс-шара соңында Орал гарнизоны полициясы алаңда салтанатты шерумен жүріп өтті.
Батыс Қазақстан облысы
