Фото: Ашық дереккөз
Әлеуметтік зерттеу нәтижелері азаматтардың Президент институтына деген сенімі мықты екенін көрсеткен. Қатысушылардың 82,4%-ы Мемлекет басшысы Қасым-Жомарт Тоқаевқа қолдау білдірген.
Жас ерекшелігі бойынша ең жоғары сенім деңгейін 18–29 жас аралығындағы респонденттер көрсетті – 90,3%. Одан кейінгі көрсеткіштер: 30–45 жас аралығында – 82,4%, 46–60 жаста – 78,6%, ал 61 жастан асқандар арасында – 77,8%.
Ауыл тұрғындарының сенімі қала халқына қарағанда сәл жоғары – тиісінше 84,9% және 80,9%. Зерттеу табыс деңгейі мен жұмыспен қамтылу көрсеткіштеріне қарамастан, азаматтардың сенім деңгейі біркелкі екенін айқындады.
Кәсіптік сала бойынша ең жоғары қолдауды құқық қорғау органдарының қызметкерлері білдірген – 96,9%. Сондай-ақ білім беру саласының өкілдері (89,6%), мемлекеттік қызметшілер (87,1%), денсаулық сақтау мамандары (84,5%), ауыл шаруашылығы қызметкерлері (86,2%), ғылым (85,7%) мен мәдениет және өнер саласының мамандары (85,9%) айтарлықтай қолдау көрсеткен.
Сауалнама нәтижесі Мемлекет басшысына деген сенімнің тұрақты әрі жоғары деңгейде екенін дәлелдеді. Бұл өз кезегінде жүргізіліп жатқан мемлекеттік саясаттың қоғам үшін тиімділігін көрсетіп отыр.
