Фото: Ерлан Омар
БЖЗҚ мәліметінше, зейнетақы төлемдерінің ең жоғары сомасына шектеу қойылмаған және кейбір азаматтарда ол 900 мың теңгеден асады.
2025 жылғы 1 қыркүйектегі жағдай бойынша Қазақстандағы ең жоғары зейнетақы төлемдерінің топ-5 көрсеткіші мынадай:
- 993 041 теңге;
- 818 818 теңге;
- 635 236 теңге;
- 565 857 теңге;
- 560 437 теңге.
Айта кетейік, зейнетақы төлемдерінің мөлшері салымшының табыс деңгейіне, жарналарды уақтылы әрі толық аударуына, сондай-ақ қосымша ерікті жарналардың болуына байланысты.
Қор дерегінше, биылғы ақпан айында ең жоғары зейнетақы төлемі 993 040 теңгені құраған, бұл қыркүйектегі көрсеткіштен бар болғаны 1 теңгеге аз. Ал орташа төлем көлемі жыл басынан бері тұрақты деңгейде қалып отыр: қаңтарда – 35,5 мың теңге, тамызда – 35,7 мың теңге.
