Фото: «Қайрат» / Instagram
Ойын алаң иелерінің белсенді шабуылымен басталды. «Қайрат» футбол командасының жас қақпашысы Шерхан Қалмырза бірнеше жойқын соққылармен қатар 21-минутта Мартен Юльманн тепкен пенальтиді де қайтарып көзге түсті. Десе де «Спортинг» алғашқы тайм аяқталар тұста есеп ашты.
Екінші таймда жалпы 4 гол соғылды. Оның 3-уі «Қайрат» қақпасынан табылса, жерлестеріміз 1 голмен жауап қатты. «Спортингке» соғылған голдың авторы - Эдмилсон, нәтижелі пасты Рикардиньо берді.
Осылайша, «Қайрат» чемпиондар лигасындағы дебютінде 4:1 есебімен «Спортингтен» жеңілді.
Айта кетейік, «Қайраттықтар» келесі матчын 30 қыркүйек күні өз алаңында «Реал Мадридке» қарсы өткізеді.
