Жоспарға сәйкес, трамвай «Барлық» базарынан басталып, Төле би көшесі бойымен өтіп, әуежай бағытына дейін жалғасады. Бұл шешім мегаполистегі жолаушылар ағынын жеңілдетіп, көлік инфрақұрылымын дамытуға бағытталған.
Алматы қаласы әкімінің орынбасары Сәдуовтің айтуынша, жаңа бағыттың басты артықшылығы – уақыт үнемдеу. «Мақсатымыз – адамдардың полиорталықтар арасында 20 минут ішінде қатынай алуына мүмкіндік жасау. Бұл – әлемдік тәжірибеге сай шешім», деді ол.
Қазір жобаның қаржыландыру тетігі талқылануда. Егер EPC+F форматы бойынша жүзеге асырылса, трамвай желісін бес жыл ішінде толық іске қосу мүмкіндігі бар.
