«GreenAgro» шаруа қожалығына жетекшілік ететін ол биыл Махамбет ауданындағы Сарайшық ауылынан 17 гектар жерді жалға алыпты. Алдымен маусым айында қызанақ тұқымын екті. Бұдан соң қияр мен құлпынай егуге ден қойды. Ал жергілікті нарық бір килосы 1500–2000 теңгеге бағаланған брокколиді талап етті.
«Бұрын мұнай-газ өнеркәсібі саласында жұмыс істедім. Ал биыл кәсібімді ауыл шаруашылығында жалғастыруға қадам жасадым. Атырау облысында бұрын брокколи өсірілген жоқ. Сол себепті, осы дақылдан өнім алуды көздедім. Әрине, алдымен интернеттен оны егудің технологиясы жөнінде ақпарат жинадым», дейді А.Есмұратов.
Айтуына қарағанда, бақша дақылдарын өсіруге қызығушылығын оятқан әжесі екен. Сирек дақылдың 600-ден астамын ғана еккен.
«Бір түп брокколидің орташа салмағы 300–350 грамды құрады. Бәрін қоса есептегенде 250 кило өнім алдым. Оларды бір-екі күнде сатып жібердім. Алдағы жылдары да осындай сирек көкөністерді өсіруді жалғастыра беремін», дейді ол.
Атырау облысы
