Әдетте мұнда гүл түгілі, шөп те өспейтін. Тіпті жаңбыр да жаумайтын. Ал биыл әсем гүлдер әр жерде қылтиып емес, шөл далада жайқалып өсіп тұр. Расымен, таңғалмасқа шараң жоқ. Ғалымдар бұл құбылысты зерттеуге кірісіп кетті. Андрес Белльо университетінің биотехнологтері өсімдіктердің осындай ортада қалай тірі қалатынын анықтап жатыр. «Атакама – күн ең көп түсетін, жаңбыр сирек жауатын аймақ. Мұндай жерде гүлдің өсуі нағыз ғажайып. Біз осы құбылыстың сырын ашсақ, ыстық пен су тапшылығына төзімді өсімдіктер өсіруге жол ашамыз», дейді зертхана жетекшісі Ариэль Орельяна.
