Өндірістік оқыту шеберінің айтуынша, бұл бастама – колледждің ішкі инфрақұрылымын заманауи технологиялар арқылы тиімді басқаруға бағытталған.
– Біз осы жобаны колледждің өз ішінде қолдануға арнап жасадық. Мысалы, ғимаратта жарық немесе кондиционер қосылып қалса, оны күзетші колледж алдындағы экраннан көріп, бір батырма арқылы қашықтан өшіре алады. Сол сияқты ашық қалған суды да автоматты түрде өшіруге мүмкіндік бар, – дейді колледждің өндірістік оқыту шебері Серік Түркменбаев.
Қазір колледждің энергия тиімділігін арттырып, ресурстарды үнемдеу мақсатында қолға алынған жобаны тәжірибеден өткізіп жатыр.
Колледж басшылығы бұл тек энергияны тиімді жұмсау ғана емес, қауіпсіздік деңгейін арттыру, уақыт үнемдеу мен қолайлы жағдай жасау, заманауи технологияның мүмкіндігін кеңінен қолдану екенін айтады.
Маңғыстау облысы
