Фото: pinterest.com
Мұнай бағасы төмендейді, бірақ экономикалық өсімге сенім күшейді
Сауалнамаға қатысушылардың болжамынша, Brent маркалы мұнайдың бағасы алдағы жылдары шамалы төмендейді. 2025 жылы бір баррель үшін орташа құн 68,7 доллар, ал 2026 және 2027 жылдары тиісінше 63,8 және 64,1 доллар деңгейінде болады деп күтіледі.
Соған қарамастан сарапшылар ел экономикасының өсіміне қатысты көзқарасын жақсартқан. ІЖӨ өсіміне жасалған жаңа болжамдар:
-
2025 жыл – 5,9% (бұрын 5,6%)
-
2026 жыл – 4,9% (бұрын 4,8%)
-
2027 жыл – 5% (бұрын 4,8%)
Инфляция болжамы өзгеріссіз, базалық мөлшерлеме жоғарырақ болады
Инфляция деңгейі айтарлықтай түзетілген жоқ. 2025 жылдың соңына қарай оның мөлшері 12,3% деңгейінде болады деп пайымдалады. Ал 2026 және 2027 жылдарға жасалған болжамдар бұрынғыдай: 10% және 7%.
Ал базалық мөлшерлемеге қатысты сарапшылар пікірі күшейген. Респонденттер алдағы үш жылда мөлшерлеме қазіргі деңгейге жақын, тіпті жоғарырақ болады деп болжайды:
-
2025 жыл – 18% (бұрын 16,6%)
-
2026 жыл – 16% (бұрын 14,8%)
-
2027 жыл – 13% (бұрын 12%)
Сауалнамаға кімдер қатысты?
Бұл жолы сауалнамаға Қазақстан экономикасының басты көрсеткіштерін зерттеумен айналысатын 14 ұйым қатысқан. Олардың қатарында:
-
қаржы нарығының кәсіби қатысушылары,
-
зерттеу орталықтары,
-
халықаралық ұйымдар,
-
рейтингтік агенттіктер бар.
Ұлттық банк сауалнама нәтижелерінің реттеушінің өз болжамына қатысы жоқ екенін ерекше атап өтті. Бұл – отандық және халықаралық сарапшылардың нарыққа қатысты тәуелсіз бағасы мен кәсіби күтулерінің жиынтығы ғана.
