Облыстық полиция департаменті баспасөз қызметінің мәліметінше, зәбір көргендерге 3 830 қорғау нұсқау шығарылған. Ал мінезі шәлкес 986 адамға ерекше талап белгіленген.
«Отбасындағы зорлық-зомбылық – жеке іс емес. Бұл қоғамды алаңдататын мәселеге айналды. Атырауда жыл басынан бері 4 әйел тұрмыстық зорлық-зомбылық салдарынан көз жұмды. Отбасындағы зәбір көргендерге арналған дағдарыс орталығына 57 адам, оның ішінде 14 әйел мен 47 бала орналастырылды. Бұл орталықты бір ана кәмелет жасына толмаған 5 баласымен бірге паналап отыр», деп хабарлады департаменттің баспасөз қызметі.
