2025 жылы шығарылған жаңа көліктер толықтай заманауи медициналық құрылғылармен жабдықталған. Әрбір автокөлікте дефибриллятор, аспиратор, өкпені жасанды желдету (ИВЛ) аппараты, реанимациялық рюкзак, 15 литрлік оттегі баллоны және медициналық каталка орнатылған. Бұл жабдықтар дәрігерлерге шұғыл жағдайларда жылдам әрі сапалы көмек көрсетуге мүмкіндік береді.
Аймақ басшысы өз сөзінде бұндай игілікті іс мемлекет тарапынан лайықты қолдау тауып, өз кезегімен жалғасын табатынын атап өтті.
- Халықтың денсаулығын қорғау – біздің басты басымдығымыз. Мемлекет басшысының тапсырмасына сай өңірде жедел жәрдем қызметінің уақытылы әрі тиімді жұмыс істеуі үшін жүйелі жұмыстар жүргізілуде. Көліктеріңіз елдің денсаулығын жақсартуға септігін тигізе берсін. Салауатты өмір салтын қалыптастыру бағытындағы жұмыстарыңызға сәттілік тілеймін, - деді Нұрдәулет Қилыбай.
