Резерват инспекторы Илья Бофоновтың дерегіне қарағанда, бұл мәлін өте сақ, әрі тез жасырынады. Адамды алыстан байқайды. Қамыстың арасынан анық байқалмайды. Өйткені жыртқыш қамыс түсінен айнымайды.
«Мәліннің жасырынатын мекені – қамыс қалың өскен аумақ. Бірақ оның резерваттағы нақты санын болжау мүмкін емес. Тіпті санай алмай жүрміз. Өйткені адамнан бой тасалап аулақ жүреді», дейді И.Бофонов.
Оның айтуынша, кейінгі екі жылдан бері резерватта тепловизоры бар дрон қолданылады. Резерваттың әр тұсына фототұзақтар қойылды. Дронмен көп видеоматериал жиналыпты. Енді оған талдау жүргізіледі.
«Біз осындай сирек кездесетін аң түрлерін бақылауды жалғастыра береміз. Осы мақсатта жүргізілетін мониторинг бағдарламасын кеңейтуді көздеп отырмыз. Мәлімет толық жинақталған соң қамыс мысығының мінез-құлқы мен санын нақты анықтауға мүмкіндік туады», дейді резерват инспекторы.
Атырау облысы
