Алдын ала барлау жұмысында ауылдың оңтүстігінде 100-ден астам әртүрлі көлемдегі қорған тіркелген. Барлығына емес, археологтер ең ірі қорғанға зерттеу жүргізді. Нәтижесінде, аса құнды археологиялық жәдігерлер табылған. Атап айтсақ, қорғанның кіреберісінен алтын және қола бұйымдар көзге түскен. Анықталғандай, бұл бұйымдар жылқы әбзелінің әшекейлері болып шыққан. Олардың қатарында жарты ай пішінді және үшбұрышты жапсырмалар, жыртқыш құстың басы бейнесіндегі әшекейлер, ою-өрнекті қаптамалар, қоңырау тәрізді салпыншақтар бар. Сонымен қатар қола ауыздықтар, үлбіреген алтынмен қапталған темір ауыздықтар, айыл бөліктері және арқар бейнесіндегі алтын жапсырма табылды. Әсіресе арқар мүсінді жапсырма ерекше көзге түседі. Бұйымдардың орналасуына қарай жылқы әбзелдері арнайы рәсіммен қойылғаны байқалған.
Өкініштісі, жерлеу орны бұрын тоналғандықтан, адам сүйектері сақталмаған. Дегенмен табылған заттық материалдарды зерттей келе, аналогиялық дерекке сүйенсе, қорған ерте сақ кезеңіне жатады екен.
Айта кетсек, Ақжайлаудың алтындары Облыстық тарихи-өлкетану музейінің қорына тапсырылды.
ӨСКЕМЕН
