Фото: istockphoto.com
Министрдің айтуынша, кәсіпкерлердің елден кетіп жатқаны туралы мәліметтер шындыққа жанаспайды және бұл ойдан шығарылған дәйектер. Мәжіліс кулуарында берген сұхбатында ол кәсіпкерлер үшін шетелге көшудің ешқандай экономикалық тиімділігі жоқ екенін атап өтті.
«Мұндай көші-қон жоқ. Бұл айтылып жатқандардың бәрі – ойдан шығарылған уәж деп ойлаймын. Көрші елдерде салық аз деген ақпарат та шындық емес. Ол жақта да біздегідей табалдырықтар, айналымдар мен бизнес талаптары бар», деді М.Тәкиев.
Сондай-ақ Қаржы министрі кәсіпкерлердің негізгі өмірлік мүдделері Қазақстанда болғандықтан, өзге елге барған жағдайда оларға қосымша салықтық міндеттемелер жүктелетінін ескертті.
«Сондықтан бизнеске басқа елге көшу тиімсіз деп есептеймін», деп түйіндеді министр.
Салық берешегінің шекті сомасы: Мәди Такиев бизнеске жеңілдік жасаудың себебін түсіндірді
