Фото: Қорғаныс министрлігі
Ғасыр жасаған қарт майдангер көру, есту қабілеттері әлсірегенімен, қонақтарды жылы қабылдады. Ардагердің қызы әскерилерге алғыс айтты.
«Әкемізге көрсетілген қамқорлық пен ерекше құрмет үшін әскери қызметшілерге шын жүректен алғысымызды білдіреміз. Бұл әкеміз үшін де, отбасымыз үшін де өте маңызды», деді Наталья Косолапова.
Қорғаныс министрлігінің мәліметінше, Анатолий Попов 1926 жылғы 13 қаңтарда Алматы облысына қарасты Қаскелең қаласында дүниеге келген. Соғыс жылдары әскери байланысшы мамандығын меңгеріп, 2-ші Прибалтика майданы құрамында шайқасқан. Рига түбіндегі ұрыстарға қатысқан. Анатолий Назарович «Риганы азат еткені үшін», «Германияны жеңгені үшін» медальдарымен және басқа да мерейтойлық наградалармен марапатталған.
Соғыстан соң ол Саратов әскери-медициналық училищесін бітіріп, Германияда әскери қызметін жалғастырған. Алматыға оралған соң зейнеткерлікке шыққанға дейін санитарлық-эпидемиологиялық қызметте фельдшер болып еңбек еткен.
