Фото: Ақорда
Бүгін, 2026 жылдың 16 қаңтарында өткен мемлекеттік маңызы бар жиында Александр Лукашенко «Ұлы тас» Қытай-Беларусь индустриялық паркі әкімшілігінің жаңа басшысын тағайындау кезінде күтпеген мәлімдеме жасады.
Қытаймен бірлескен ауқымды жобаны талқылау барысында ол тілдік кедергілерді жою мәселесіне тоқталып, Қазақстан Президентінің кәсібилігін мысалға келтірді.
«Міне, бізде Қазақстан Президенті Тоқаев кезінде аудармашы болып жұмыс істеген. Ол қытай тілін жетік біледі. Қазақстан Президенті – өте ақылды, парасатты адам. Ол да Құдай емес, бірақ үйренді ғой. Демек, үйренуге болады», деді Александр Лукашенко шенеуніктерге жігер бере отырып.
Айта кетейік, осыған дейін Александр Лукашенко келесі президенттік мерзімге түспейтінін ресми түрде жариялаған болатын.
