Осы орайда Ұлттық құрылтайдың кезекті отырысының Сыр бойындағы қалада өтіп жатқаны орынды. Бұл жерде де ел өміріне ықпалы зор маңызды мәселелер шешімін табады деп үміттенеміз. Соның бірі – ұлт идеологиясының алтын діңгегі саналатын Абай іліміне қатысты мәселе. Облыс орталықтарында, республикалық маңызы бар үш қалада Абайтану орталықтары ашылу керек деген ойдамын. Бұл – кейінгі ұрпақты тәрбиелейтін бірден-бір жол.
Балалар кітапханасын қалыптастыру да үлкен міндеттің бірі. Бұл мәселе Мемлекет басшысының назарында тұр. Осы бағытта тиісті министрліктер мен жергілікті әкімдік арасында үйлесімді жұмыс керек.
Мереке ҚҰЛКЕНОВ,
Қазақстан Жазушылар одағының төрағасы
