Теннис • Бүгін, 15:45

Еліміздің үздік теннисшісі Australian Open турнирінде қанша табыс тапты?

20 рет
көрсетілді
1 мин
оқу үшін

Қазақстанның жұптық сындағы үздік теннисшісі Анна Данилина Australian Open ашық чемпионатының финалында есе жібергенімен, қомақты жүлдеге ие болды, деп хабарлайды Egemen.kz

Еліміздің үздік теннисшісі Australian Open турнирінде қанша табыс тапты?

Чемпионаттың финалында Анна Данилина сербиялық Александра Круничпен бірге Бельгия өкілі Элизе Мертенс пен қытайлық Чжан Шуай жұбына 6:7, 4:6 есебімен есе жіберді.

Australian Open финалына шыққаны үшін Анна Данилина 300 мың доллар (шамамен 150 миллион теңге) көлемінде жүлде қаржысына ие болды. Бұл сома Александра Круничпен тең бөлінеді, сондықтан отандасымыздың үлесі шамамен 150 мың долларды (75 миллион теңге) құрайды.

Australian Open-2026: Анна Данилина ширек финалға жолдама алды

Сонымен қатар Данилина аралас жұп санатында да өнер көрсетіп, америкалық Трейси Джеймспен бірге ширек финалға дейін жетті. Бұл нәтиже оған тағы шамамен 49 мың доллар (24,5 миллион теңге) жүлде әкелді.

Осылайша, Анна Данилинаның Australian Open турниріндегі жалпы жүлде қоры 199 мың долларды (шамамен 100 миллион теңге) құрады.

Еске сала кетейік, ширек финалда Анна Данилина мен Александра Крунич Катерина Синякова мен Тэйлор Таусендті жеңсе, жартылай финалда қазақстандық-сербиялық дуэт Габриэла Дабровски мен Луиза Стефаниден басым түсті. 

Соңғы жаңалықтар