Фото: Alejandra Leyva/AP Photo/picture alliance
Ел бойынша жаппай тәртіпсіздіктер басталды
Осегераның қаза табуы Мексиканың бірнеше өңірінде жаппай тәртіпсіздіктерге ұласты. Кемінде бес штатта, соның ішінде Халискода, көліктер өртеліп, жолдар әдейі бөгелген. Бұл жергілікті есірткі картельдердің билікке қарсы жиі қолданатын тактикасы.
Халиско штатының губернаторы Пабло Лемус Наварро құқық қорғау органдары мен картель мүшелері арасында қақтығыстар болғанын растады. Оның айтуынша, белгісіз қарулы топтар арнайы операцияға кедергі жасау үшін автокөліктерді өртеп, көшелерді жапқан.
Штатта төтенше жағдай режимі енгізілді. Кейбір аудандарда қоғамдық көлік жұмысы тоқтатылып, тұрғындарға үйлерінен шықпауға кеңес берілді. Өрт қою оқиғаларының бір бөлігі штат астанасы –Гвадалахара қаласында тіркелген. Айта кетейік, бұл қалада алдағы айларда футболдан әлем чемпионатының ойындары өтуі тиіс еді.
Әуежайлар жабылды, АҚШ ескерту жасады
Пуэрто-Вальярта халықаралық әуежайы Гвадалахара халықаралық әуежайлары уақытша рейстерді қабылдауды тоқтатты. Әлеуметтік желілерде жолаушылардың әуежай ғимараттарында жасырынуға мәжбүр болғаны түсірілген бейнежазбалар таралған.
АҚШ мемлекеттік хатшысының орынбасары Кристофер Ландау «Эль Менчоның» қазасын «Мексика, АҚШ, Латын Америкасы және бүкіл әлем үшін маңызды оқиға» деп атады.
Тәртіпсіздіктерге байланысты АҚШ-тың Мексикадағы елшілігі Халиско, Тамаулипас, Мичоакан, Герреро және Нуэво-Леон штаттарында жүрген америкалық азаматтарға қауіпсіз жерге паналап, сыртқа шықпауға кеңес берді.
